XƏBƏRLƏR
Ölkəyə idxal edilən tütün məmulatlarının aksiz dərəcəsi artırılıb
Bu gündən ölkəyə idxal edilən tütün məmulatlarının aksiz dərəcəsi artırılıb.
APA-nın xəbərinə görə, Nazirlər Kabinetinin 5 aprel 2021-ci il tarixli qərarı ilə “Azərbaycan Respublikasının ərazisinə gətirilən aksiz vergisinə cəlb olunan malların aksiz dərəcələrinin təsdiq edilməsi haqqında” qərara edilən dəyişikliyə əsasən, istehsal məqsədli tütünlər istisna olmaqla digər çəkməli tütünlər, “homogenləşdirilmiş” və ya “bərpa edilmiş” tütünlər, çeynənilən və ya buruna çəkilən tütünlər, habelə qəlyan üçün tütünlərin 1 kq-ı üçün 30 manat aksiz vergisi tətbiq olunacaq.
- Agentlik: 266 əlilliyin ləğvi ilə bağlı artıq Baş Prokurorluğa müraciət olunub
- Leyla Əliyeva Qızılağac Milli Parkına səfər edib
- Sabahın hava proqnozu
Eyni zamanda, həmin qərara görə, ölkəyə idxal edilən, tərkibində tütün olan siqaretlərin vətərkibində tütün siqarillaların 1000 ədədi üçün 43 manat aksiz vergisi müəyyən edilib. Əvvəl bu vergi 39 manat təşkil edirdi.
Həmçinin, ölkəyə idxal edilən elektron siqaretlər üçün mayenin 1 litri üçün 100 manat aksiz vergisi tətbiq olunacaq. Əvvəl bu rəqəm 20 manat idi.
Eyni zamanda qızdırılma nəticəsində istehlak edilən (buxar) tütün və tütün məhsullarına da aksiz vergisi tətbiq olunacaq. Qızdırılma nəticəsində istehlak edilən (buxar) tütün və tütün məhsullarının 1000 ədədi üçün 12,9 manat aksiz vergisi müəyyənləşib.
Qərar bu gündən qüvvəyə minib.