XƏBƏRLƏR

13 Noyabr 2026

Bir sıra məhsulların idxalına gömrük rüsumlarının dərəcələri dəyişdirilir

nk.gov.az

Nazirlər Kabinetinin 381 №-li Qərarına dair izah

Bu Qərarla bir sıra məhsullar üçün idxal gömrük rüsumunun dərəcələri 2030-cu ilin sonunadək dəyişdirilir.

Belə ki, 2030-cu ilin sonunadək idxal olunan nərə balığının kürüsü üçün idxal gömrük rüsumunun dərəcəsinin 15%, lakin 1 kq üçün 200 ABŞ dollarından az olmamaqla (hazırda idxal dəyərinin 15%-i), siqar, siqaret və siqarillalar üçün 15%, lakin 1000 ədədinə 3,0 ABŞ dollarından az olmamaqla (hazırda 1000 ədədi 0,5 ABŞ dolları), polivinilxloridlə (PVC) hopdurulmuş və ya üzlənmiş tekstil parçalar üçün 15% (hazırda 0 və ya 5%) təyin olunur.